TA’LIM MUASSASASI RAHBARLARIDA STRESSNI BOSHQARISH KO‘NIKMALARINI RIVOJLANTIRISHNING PEDAGOGIK ASOSLARI

Abstract

Mazkur maqolada ta’lim tizimi rahbar xodimlarining stressga barqarorligini shakllantirish jarayoni pedagogika nazariyasi va amaliyoti nuqtayi nazaridan tahlil qilingan. Tadqiqotning maqsadi – rahbar shaxslarning stress holatlarini yengib o‘tish, o‘z-o‘zini boshqarish va kasbiy samaradorligini oshirishga xizmat qiluvchi pedagogik asoslarni aniqlashdir. Ishda nazariy tahlil va empirik usullar uyg‘unligida Farg‘ona viloyatidagi 100 nafar ta’lim muassasasi rahbarlari ishtirokida so‘rovnoma, test va kuzatuv metodlari qo‘llanilgan. Olingan natijalar rahbarlarning stressga barqarorlik darajasi, hissiy intellekt va kasbiy tajriba o‘rtasida ijobiy bog‘liqlik mavjudligini ko‘rsatadi (p<0.05). Stressga barqarorlikning pedagogik mexanizmlari sifatida refleksiya, emotsional madaniyat, hamkorlik muhitini shakllantirish hamda rahbarlik kompetensiyalarini rivojlantirish kabi omillar aniqlangan. Maqola natijalari asosida ta’lim tizimi rahbarlari uchun stressga barqarorlikni rivojlantiruvchi pedagogik model taklif etilgan bo‘lib, bu model rahbar kadrlarni qayta tayyorlash va malakasini oshirish tizimida qo‘llanilishi mumkin. Tadqiqot natijalari pedagogika nazariyasini boyitadi hamda rahbar shaxsning kasbiy barqarorligini ta’minlashda amaliy ahamiyatga ega.