O‘SMIR KAR VA ZAIF ESHITTUVCHI BOLALARNI IJTIMOIY HAYОTGA MOSLASHTIRISH

Abstract

Ijtimoiylashuv va moslashuv o‘zaro chambarchas bog‘liq jarayon bo‘lib, shaxsning oila, mahalla, keng jamoatchilik bilan o‘zaro munosabatlarining yakdilligini o‘zida namoyon etadi. Lotin tilidan tarjima qilingan «moslashish» atamasi «moslashtirish», «sozlash» degan ma’noni anglatadi. Ushbu atama dastlab biologiya faniga taalluqli bo‘lib, organizmning evolyusiya jarayonida tashqi sharoitga, morfofiziologik va xulq-atvor mezonlariga moslashtirishni anglatgan. Bizning nazarimizda moslashish – bu hayotning, atrof-muhitning o‘ziga xos xususiyatlariga o‘zini o‘zi moslashtirish orqali oldiga maqsad qo‘yish, iqtidor va qobiliyatlarini namoyon etish demakdir. Boshqacha qilib aytganda, muhitning o‘ziga xos xususiyatlarini qabul qilish orqali unga moslashish sifatida ham tushunishimiz mumkin, ya’ni inson yashayotgan jamiyatga, taraqqiyotga adaptatsiya qilish jarayonidir.