MAKTABGACHA YOSHDAGI BOLALARNI BADIIY ADABIYOT ASARLARIGA QIZIQTIRISHNING PEDAGOGIK-PSIXOLOGIK OMILLARI

Abstract

Jahon miqyosida ilg’or texnologilar asosida maktabgacha yoshdagi bolalarni badiiy adabiyot asarlariga qiziqtirishning samarali usullariga oid bir qator izlanishlar olib borilmoqda. Shuningdek, oila va maktabgacha ta’lim tashkilotlari innovatsion hamkorligi natijasida maktabgacha yoshdagi bolalarni badiiy adabiyot asarlariga qiziqtirishda pedagogik-psixologik ta’sir ko’rsatishga ham alohida e’tibor qaratilmoqda. Bu esa maktabgacha ta’lim tashkilotlarida samarali mexanizmlarni tashkil etishni taqozo etadi. Maktabgacha ta’limning samarali mexanizmlarini joriy etish o’sib kelayotgan yosh avlodni ma’naviy-axloqiy va intellektual rivojlantirishni sifat jihatdan yangi darajaga ko’tarishning eng muhim sharti hisoblanadi. Shuningdek, o’quv-tarbiya jarayonida ta’limning innovatsion shakllari va usullarini qo’llashga ko’maklashadi. Mamlakatimizda ayni paytda vujudga kelgan shart-sharoitlar o’qish shakli, mazmuni va uni amalga oshirish mexanizmlarini qayta ko’rib chiqishni va bu jarayonga tegishli o’zgartishlarni kiritishni taqozo etmoqda.