O‘ZBEKISTONDA VOLONTYORLAR HARAKATING RIVOJLANISHI VA ULARNING SABABLARI

Abstract

Yon-atrofdagilarga mehr-shafqatli, jon kuyar bo’lish, ko’makka muhtojlarga yordam qo’lini cho’zish, da’rdiga darmon bo’lish, og’irini yengil qilish , el kuniga yaraydigan inson, mahalla-ko’y va jamiyat uchun kerakli shaxs bo’lish bizga ota- bobolarimizdan merosdir. Biz bugun Muhtaram Prezidentimiz rahbarligida mustaqil,insonparvarlik,xaliqparvarlik xarakteriga ega bo’lgan davlatni,yuksak axloqli fuqarolik jamiyat yaratmoqdamiz. Volontyorlik harakati uzoq tarixga ega. Uning kelib chiqishi haqida bir qator manbalarda turlicha faktlar keltirilgan. Ularga XVII asrda fransuzlarda “volontaire” , italiyanlarda “volontario” , nemslarda “volontair” degan bir xil ma’noni anglatuvchi tushunchalar paydo bo’lgan. Bugungi kunda volontyorlik harakatining G’arib modeli dunyo bo’ylab keng rivojlangan. 1990-yilda Xalqaro Volontyorlar Assotsiatsiyasining XI Kongresida “ Butun dunyo volontyorlar deklaratsiyasi” qabul qilindi. 1996-yil Yevropa Ittifoqi tomonidan “ Yevropa volontyorlik xizmati” (EVS) tashkil etildi. Yevropa Ittifoqi Komissiyasi tomonidan volontyorlik va volontyorlar faoliyatining davlat boshqaruvidagi muhim ahamiyatini inobatga olib,2011-yilni rasman tarzda “Yevropada volontyorlar yili” deb nomlandi. BMT tomonidan 2001 yil “Xalqaro volontyorlar yili” deb e’lon qilindi.